Menim canım Şiiri - Sevinc Arzulu

Sənə “Mənim canım”-deyən,
Döngə, dalan keçibdir.
“Damardakl qanım”-deyən,
Minbir yalan seçibdir.

Istəyirəm şər yuxular,
Daha məndən gen gəzsin.
Sevmədiyim tər qoxular,
Özlərinə yel gəzsin.

Gecənin bağrın yaran,
Təyyarələr dolaşar.
Gündüzə oğrun varan,
Səyyarələr dalaşar.

Sııdırımlı qayanın.
Yolları keçilməz ki.
Həqiqəti sayanın,
Qolları kiçilməz ki.

Bəzən bir acı sözdən,
Üzü dönər aşiqin.
Əyri nəzərdən, gözdən
Közü sönər aşiqin.