Meni hesretin Şiiri - Sevinc Arzulu

Gəlibdir bayram axşamı,
Adına yandırdım şamı.
Eşq oxum dəydi daşamı,
Qocaltdı məni həsrətin.

Hicranının yaşı çoxdur,
“Yox”sözün qəlbimə oxdur.
Ayrılığın sonu yoxdur,
Vüsala çatmır qüdrətin.

Vərəqlə qan yaddaşını,
Unutma dost-sirdaşını.
Gəl sil gözümün yaşını,
Üzü dönüb məhəbbətin.

Ürəyimi açammadım,
Qəlbinə nur saçammmadım.
Qəmdən uzaq qaçammadım,
Haqladı məni möhnətin.

Yerə düzdüm min incini,
Sən tez seçdin minincini.
Yada salsan Sevincini,
Tezcə qalxar hərarətin.