Men Solmazam Şiiri - Sevinc Arzulu

Bir xanımam məğrur, mətin
Əsiriyəm məhəbbətin.
Həyat mənə deyil çətin
Dünyanı gəzib gəlmişəm.

Dünyamızı almasın qəm,
Alagözlər olmasın nəm.
Ayağımın altında qəm,
Kədəri əzib gəlmişəm.

Çıxaq Kürün qırağına,
Isinək gün çırağına.
Eh, şerin də sorağına,
Nəsrdən bezib gəlmişəm.

Cavanam,, azdır sinnim də,
Nəvələr iman-dinim də.
Cəfərin “Od gəlini”ndə,
Adımı sezib gəlmişəm.

Gənc nənəyəm, adım Solmaz,
Tayım-bərabərim olmaz.
Üzüyümün qaşı almaz,
Xalları düzüb gəlmişəm,
Gözümü süzüb gəlmişəm.