Men sensiz Şiiri - Sevinc Arzulu

Sözümdə saf,düzgünəm,
Alagözü süzgünəm.
Qəm-kədərdən üzgünəm,
Yaşamıram mən sənsiz.

Donmuş gölə bənzərəm,
Sönmüş külə bənzərəm.
Solmuş gülə bənzərəm,
Yaşamıram mən sənsiz.

Çətin görüşək bir gün,
Gözümdə həsrət mürgün.
Bu dünya mənə sürgün,
Yaşamıram mən sənsiz.

Yox dərdimin əlacı,
Itib könlümün tacı.
Qəlbimdə ağrı-acı,
Yaşamıram mən sənsiz.

Dörd dövrəmdə yağılar,
Dünyam qəmdən qağılar.
Dilimdə şeir-ağılar,
Yaşamıram mən sənsiz.