Men sene Şiiri - Sevinc Arzulu

Kimsə kimdir, bilinib,
Ayrılıqlar silinib.
Hamı iki bölünüb,
Mən sənə vurulmuşam.

Gözüm sənə zillənib,
Baxışında illənib.
Xarın çayı lillənib,
Mən sənə durulmuşam.

Sənsiz keçməz həyatım,
Çağırılmaz bayatım.
Gəzmə zəngli saatı,
Mən sənə qurulmuşam.

Su yolu, dəniz yolu,
Yuyubdur təmiz yolu.
Azıb qaldım düz yolu,
Mən sənə burulmuşam.

Yandırma qəm şamını,
Doldurma dərd camını.
Rahat etdim hamını,
Mən sənə yorulmuşam.