Men olmayanda Şiiri - Sevinc Arzulu

Qüssəni gizlərsən çətin,
Başqasın izlərsən çətin.
Yolumu gözlərsən çətin,
Mən olmayanda.

Şam təkimi yanacaqsan,
Yoxluğumu danacaqsan.
Görən kimi anacaqsan,
Mən olmayanda.

Gözlərində yaş görünər,
Qum da sənə daş görünər.
Dünya sənə boş görünər?
Mən olmayanda.

Bu, sonuncu köç olarmı,
Qəfil gediş suç olarmı.
Arzuların puç olarmı,
Mən olmayanda.

Xatırlarsan düyünümü,
Son sözümü, son ünümü.
Qeyd edərsən ad günümü,
Mən olmayanda.

Sevdim şeri, bədiyyəni,
Almadığın hədiyyəni.
Unutma heç el deyəni,
Mən olmayanda.

Sağlığında qiymət verin
İnsanlara.Ziynət verin.
Dua edin, hörmət verin
Mən olmayanda.