Melikmemmed nağılı Şiiri - Sevinc Arzulu

Həyat bir gün verdiyini
Geriyəcə alacaq.
Xatirələr külə dönüb,
Əlimizdə qalacaq.

Alışacaq sönən ocaq,
Ildırımlar çaxacaq.
Boş qalacaq isti qucaq,
Gözlərdən yaş axacaq.

Güllər məni qucaqlayıb,
Ağuşuna götürər.
Günlər məni bucaqlayıb,
Ağrısına ötürər

Nə bu gülün ətri qalıb,
Doyunca qoxlayam mən.
Nə o günün sətri qalıb,
Yalanın yoxlayam mən.

Sənə doğru gələn yollar,
Daha, gülüm, bağlıdı.
Eh, deyəsən görüşümüz,
Məlikməmməd nağlıdı...