Meleyim gel Şiiri - Sevinc Arzulu

İLHAM MƏLƏYİM

Kəlamları çələng edim,
Musiqiyə ahəng edim.
Telini rəngbərəng edim,
Saçına gül ələyim gəl.

Mənə sevinmək yaraşır,
Gülüşüm dağları aşır.
Duyğularım dolub-daşır,
Hanı bəyaz lələyim, gəl.

Çiçək bitməz şoranlıqda,
Kölgə itməz toranlıqda.
Nə görmüsən qaranlıqda,
Bəyaz nura bələyim gəl.

Qulağı səsdəyəm -dedim,
Avazı pəsdəyəm- dedim.
Yalandan “Xəstəyəm”- dedim,
Budur mənim kələyim, gəl.

Əzəldən acıya yaddım,
Sözün şirinliyin daddım.
Uzaq durma bircə addım,
Mənim ilham mələyim gəl.