Mehkûmê Dilê Xwe Me Şiiri - Abdullah Kar ...

-ji Mehmed Uzun re-

Tu kes nikarin ji ber xelas bin,
Hîn negîhîştime, hêvalên te ne
Berhewa dikine bi mêlên xwe;
Kela kelê me li ser meqama te
Lê, ez mehkûmê zara xwe me!

Tu helatî ji nav rind û bilindan
Pepûlê ber şewqa çavên te me;
Hesret mam, qet min têra xwe
Li vî alî, li wî alî temaşe nekir
Lê, ez mehkûmê soza xwe me!

Ketime nav deşt û keviristanan
Vedidim der û beran, ne dîn im
Ma kevir biqelşin li ser keviran
Karê min ne defîne û gewher in
Lê, ez sîmyagerê zêra xwe me!

Serê min de tim tên sêwirandin
Tu disefînî bi stêr û balinde ve;
Ez ne nexweş im, pir darhal im
Dixwazim te bigrim bê sêrbazî
Lê, ez mehkûmê dilê xwe me!

Sewta Berbangê