Meğlubiyyet Şiiri - Sevinc Arzulu

Əynindəki libasın,
Köhnəmi ya yenimi?
Tutma daha yasımı,
Kimsə verməz yerimi.

Danışa bilməz kimsə
Mənimtək iti-iti.
Göz yaşın silməz kimsə,
Qəmi-kədəri itir.

Itir.Bir də görməsin,
Ayrılıq ağlar səni.
Dövrəndə tor hörməsin,
Yoxsa ki bağlar səni.

Bağlanar dörd tərəfin,
Tordan çıxa bilməzsən.
Tapdanar irz-şərəfin,
Xarı yıxa bilməzsən.

Xatirələr canlanar,
Al-əlvan gözəl donda.
Ümidlərin danlanar,
Məğlub olarsan sonda...