Mavi buludlar Şiiri - Sevinc Arzulu

Göy üzü dalğalanır,
Mavi-mavi buludla.
Eşqimiz lovğalanır,
Bir azacıq ümidlə.

Ayrılıq bir bəladır,
Vüsal ilə görüşə.
Yer eşqə mübtəladır,
Göylər hazır döyüşə.

Ildırımlar çaxacaq,
Şimşəklər oynayacaq.
Sellər-sular axacaq,
Yer üzü doymayacaq.

Məhəbbət əfsanəsi.
Dillərdə dolaşacaq.
Min könül təranəsi,
Yallı tək qollaşacaq.

Hücum edər dalğalar,
Sahilə axşam çağı.
Ayrılğı yırğalar,
Dərd olar solu-sağı.

Biz də belə böyüdük,
Zaman-zaman, a dostum.
Sevməzdik ki öyüdü.
Aman-aman, a dostum

Indi məğlub olmuşuq,
Quru yox kəlməsinə.
Qəhərlənib dolmuşuq,
Hicranın gəlməsinə.

Bilirəm,ömrüm boyu,
Sevdan qəlbimdən getməz.
Həsrətlə hicrin toyu,
Olsa da sona yetməz.

Bu kədərli dünyanın.
Şahı özüm olacam.
Qəm qədərli dünyanın.
Ahı özüm olacam.