Maté Cemalé To Mendo

Maté cemalé to mendo
Şewqé da mı cigeré mı helénayi
Né zano mı toré
Sené xırabiye kerdé
Pişté çarné mı şiya
Nıkaki gula mı dıma todé
Jano dé pil mıré hevalo
Leşa mi zıqıtnena
Kermé gıneno zeré mıra
Koyi mı verdé bené zé deşté
Kamci rayé ké neziya toré
Pe remayışi
To ser gam keno rayé

Ax qısaweta şodıridé
Xof gıneno zeré mıra
Zaniyé mı lerzené
Aşmé kora né bereqina
Taridé ez çıla çımé mı lel kena
Kefa desté mı hurina
Werté qar u kesıri dé
Nivistoxa toré keno réz
Jan gıneno zeré mıra
Zerya mı pıncır bena

Maté şiyayéna to mendo
Nıkaki to dıma
Eşqé mıno nemécet
Qelbé mıno bé wayır esto
To dıma teynatiyé biyé kar
Zulmeta xezebo
Keso tanış çino
Rü kuli xeribé mıré
Gıneno bé kesiya xo ser
Xeyalé mı pıncır bené

16.09.2016
21:55