Marağındayam Şiiri - Sevinc Arzulu

Dalğaları əyir məni,
Göy suları deyir məni.
Ləpələri geyir məni,
Dənizin qırağındayam.

Sənsiz keçməz bir dəqiqəm,
Tək sənə dostam, rəfiqəm.
Üzümü tutdum üfüqə,
Xatirə sorağındayam.

Tərk edib daha naz məni,
Görməzsiz kefi saz məni.
Bəxtim,yenidən yaz məni,
Bəmbəyaz varağındayam.

Nədən məni həmdəm sanmır,
Hərdən atəşimə yanmır.
Dostum deyən məni anmır,
Mən onun marağındayam.

Solduracaq kinsə məni,
Ağladacaq simsə məni,
Söndürəməz kimsə məni,
Tanrının çırağındayam.