Li Min Kerbe Te Kesere

Bi rojane li te girîn min axîne
Rebena min wan hêsiran nebarîne
Li ser min de qet negirî, nelorîne
Lê xezela min xema min şax şaxîne

Zelûla min ji te hawar min fîxane
Weleh bi şevan û rojan bi salane
Xezalê min û li te kerb û kesere
Di nav dilê min de kelem, êş û jane

Rebena min, êş û jan min re her deme
Bi erdê heta ezmanan min re xeme
Derd naçe, kul naçe, şev û tarî naçe
Di dilê min de xemgînî lemeleme

Li helweşînan wargehan û malane
Xemgînîya qulinga hemû bilbilane
Min bager û min serma zivistanê ye
Ser min de helehela wan zalimane

Ax ev çi hale? Li dîsa min orîne
Felek derd û fîxana min naborîne
Rebenê derd û feryad li min re maye
Bi her dem min xîç û xîçik min gonîne

Mehmet Çobanoglu
14.12.2019
Stenbol