li Hêviya Te Me Şiiri - Şêxmûs Tayfûr

Mîna kulîlka li hêviya biharê,
li hêviya te me li ser rê,
roj diherikin bêsekin
stêrk dixuricin ji asîmanê sayî,
li ser lêva kenekî bi xemgîn,
di tavehîva çile de qefilî...
av qerisî,
tav ket bin barê ewran,
li rêya dilê şikestî,
zarok matmayî man,
evîn nîvço ma,
ger tu fam bikî...
di beyaniyên reş belek de mam,
şolî bûn nêrînên min
û tahma dev tahl bû....
ger hebûya dil germî,
gotin nedibûn şûr,
çav nedibûn çavkaniya rondikan....