Leysan kimisin Şiiri - Sevinc Arzulu

Sən mənimçün pozulmuş
Əhdi-peyman kimisən.
Yuxun tərsə yozulmuş,
Yaman heyran kimisən.

Isti yayda bürkü sən,
Soyun qalın kürkü sən.
Biz azacıq tülküsən,
Bir az ceyran kimisən.

Sən haqqımı itirən,
Bağda qanqal bitirən.
Anında qəm gətirən,
Qara leysan kimisən.

Ömür verilməyir pay,
Hər gününü töhfə say.
Gah payızsan, gah da yay,
Aprel-nisan kimisən.

Acı sözün çox sənin,
Hər biri bir ox sənin,
Adamlığın yox sənin,
Namərd insan kimisən.