Lê Seyranê Seyranê Şiiri - Mehmet Çobanoğlu

Lê seyranê seyranê
Ez qurbanê heyranê
Şilî, şilop û ewr e
Nekeve nav baranê

Lê seyranê seyranê
Gula deşta Haran’ê
Koç rabûn çûn zozana
Kes jî nema Haran'ê

Lê seyranê seyranê
Ez qurbanê lê canê
Tu bo min tim baharî
Gul,kulîlk û rihanê

Lê seyranê seyranê
Bext û hêvî, dewranê
Berf û baran jî nema
Dewar birin garanê

Lê seyranê seyranê
Keça Kurdan rêzanê
Bext û şadî, dermanî
Were ba min vê danê

Mehmet Cobanoglu
13.02.2017
Stenbol