Lê Pepùlê ù Bilbilê Şiiri - Mehmet Çoban ...

Ey çavreşê û devkenê
Lê delala tama dilan
Laçka serî gulgewezê
Vir bimîne roj û salan

Ey birh geşê û por reşê
Ez heyrana bejna te me
Serê min de qet hiş nema
Ez te bîr kim, min re şerme

Ey hîvik û awir ronak
Tu jiyanî tu giyanî
Te hisnê rojê li xwe kir
Ronî didî ser çiyanî

Ey stêrkê û berbangê
Li xeyidandin te nabe
Ez bimirim, ez bihelim
Bête eşqa min ranabe

Lê pepûlê ûbilbilê
Çiqas bêjim pir delalî
Tu gul, sosina welatî
Wek çemê Diçlê zelalî

Mehmet Çobanoglu
13.05.2020
Stenbol