Lê Narînê, Delalê Şiiri - Mehmet Çobanoğlu

Meş, meş dimeşe, ew keçika Kurdan e
Dêrê lê mîna gula heft reng e
Bi şara li serî, wek kulîlkan
Him pir çeleng û him jî pir şeng e

Ew keçika sûkê de digere
Li werdekî bi qazkî dimeşe
Newq zirav e, bejn bilind, rûken e
Lêgerena wê keçkê balkêşe

Lê narînê, ziravê, delalê
Bi rastî bajaroka me xweşe
Keçika zar şirîn, her tişt zane
Di sûkan, kolanan de bimeşe

Keçik ket nav kolana bajarê
Qaqizman bajaroka Kurdan e
Mîna xemla bi morî, mircan e
Dorê de gul, gulpikan vedane

Qaqizman'ê çarşî û bazar e
Bajareke kevnar e, xizne ye
Keçikê biskên xwe jî berdane
Li mil de çente û heqîv heye

Mehmet Çobanoglu
04.08.2019
Stenbol