Layiq olmuşam Şiiri - Sevinc Arzulu

Üzdükcə üz dənizində,
Sahili süz dənizində.
Tanrının söz dənizində,
Yelkənsiz qayıq olmuşam.

Bağımda şah göyüş olar,
Şeirimdə söyüş olar.
Bu sonuncu döyüş olar,
Postumda sayıq olmuşam.

Şeirimi həriflə, keç,
Yaxşısını ələyib seç.
Sevməyirəm tənqidi heç,
Tərifə ayıq olmuşam.

Günortadır, gecə deyil,
Bilməm fikri necə deyim.
Nə deyirsiz vecə deyil,
Gözləri qıyıq olmuşam.

Söz mülkündə“öz payım” var,
Müasirəm, vayfayım var.
Mənim güclü daydayım var,
Bu ada layiq olmuşam.