Ger te nêrîba Şiiri - Zandar Amari

Ger te nêrîba li min hema carek
Tişt hemî wê li min bûne Mûbarek

Ez neha wekî kulîlka bê av ma ma
Ez xwedyê dilê rayê zup û zuwa ma

Ger tu meyzê li yekîdî yarê tu neke
Ma qey tê min bigujî dexîl im neke

Te bejn û bala xwe hejand û tu çûyî
Ey yê ku civata sax dikê bi ku ve çuyî

Ew heyva li serbanê ku bi cih ne bû
Çawa bû îro çawa bû xwuya nedibû

Ey dildarê bê te yî cemed û bager
Bese îdî bese dûrî lê deka tu wer

Cih çêkirî di nav birca singa xweda
Jibo tîrêja di nav reş'ya çavên te da

Kezyên te li çi digerin li warê biyanî
Xwe ji me ne dize nede kesê biyanî

Piyana ji ava kewser tijî bê li hember
Tu nebê li ba min ew jî av jehr û keser