Küleyin yaddaşı Şiiri - Sevinc Arzulu

Yol üstdə ot-alaq var,
Addımlaram astaca.
Narın yağar mavi qar,
Naxış çəkər ustaca.

Xəyalın səmasında,
Ulduzlar halay vurar.
Ay üzlü simasında,
Baxışlar alay qurar.

Baxışlardan qızarar,
Bənizim.Dan yeri tək.
Külək məndən söz alar,
Sübhün gözəl şeri tək.

Oxuyarmı görəsən,
Dinləyəni olarsa.
Bəlkə dəsmal hörəsən,
Gözü yaşla dolarsa.

O gözlərin yaşının
Qurbanı mən olaram
Küləyin yaddaşının
Heyranı mən olaram.