Kül olmamışam Şiiri - Sevinc Arzulu

Cismim dönəcək torpağa,
Ruhum əzab çəkməyəcək.
Budaqdan qopmuş yarpağam,
Üstümə sis çökməyəcək.

Sən o qədər yaddaşıbsan,
Xatırlaya bilmirəm ki...
Sildim artıq yaddaşımdan,
Tənhalıqdan ölmürəm ki...

Məndən qaçdığın yol nəmli,
Bir kimsə adlayıb getməz.
Dayanmışam küskün, qəmli
Vüsal da hayıma yetməz.

Qorxmuram heç əzizlərim
Məni tənha qoyar birdən.
Seldən yuyular izləri,
Təbəssümüm donar birdən.

Atəşlərdə qovrulsam da,
Sonunda kül olmamışam.,
Külək ilə sovrulsam da,
Tikanlı gül olmamışam.