Közüme deydi Şiiri - Sevinc Arzulu

Yer üzünün əşrəfiyəm,naxşıyam,
Kainatın sonsuzluğa baxşıyam.
Elə hey deyirdim şükür yaxşıyam,
Deyəsən gözlərim özümə dəydi.

Niyə əyri güzgülərə baxırsan,

Öz-özünü yandırırsan, yaxırsan.
Ildırım tək başım üstdə çaxırsan,
Qığılcımın gəlib közümə dəydi.

Nə qəlbi inlədən tar-kamanım var,
Nə vəsli gözləyən vaxt-zamanım var.
Daha nə taqətim, nə amanım var,
Səbrin son gülləsi dözümə dəydi.