Köz vüsal Şiiri - Sevinc Arzulu

Içirtmə sözlərini,
Uçurtma közlərini.
Qaçırtma gözlərini,
Qan su təki axacaq.

Anasız köşək kimi,
Yorğansız döşək kimi.
Ayrılıq şimşək kimi,
Başın üstdə çaxacaq.

Alınıb hicrin hovu,
Uğursuz oldu ovu.
Bu sevginin alovu,
Yandıban yaxacaq.

Unudub nifrət, kini,
Çalacaq sarı simi.
Ulduzu medal kimi,
Sinəsinə taxacaq.

Atəş vüsal, köz vüsal,
Hicranıma döz, vüsal,
Bilsən, alagöz vüsal
Göy üzündən baxacaq.