Könül penahı Şiiri - Sevinc Arzulu

Tufan qopdu, batırdı ağ gəmimi,
Hey çıxıldım.tapammadım cəmimi.
Sol tərəfdə mən durmuşam səmimi
Düşmən ilə doludur sağ cinahın.

Çətində də qamətini əymədin,
Halal ömür sürdün, haram yemədin.
Bircə dəfə danışmadın, demədin,
Görək nəymiş dostum, sənin günahın.

Rəqib çətin gözlərimdən yayına,
Eh, oturum haqsızların vayına,
Görürsənmi, yetəmmirik hayına,
Tanrı olsun, dostum, könül pənahın.

Yaraşıqsan.Uca qamət, hündür boy,
Qismətindir günün biri gözəl toy.
Dağa-daşa, biyabana getsin qoy,
Gözüm dolur, azaca çək gəl sən ahı.