Könül duyğularım Şiiri - Sevinc Arzulu

Mənim könül duyğularım,
Doğulur öz içimdə.
Neçə-neçə rəngi vardır,
Hərəsi bir biçimdə.

Paklıq qar tək parlaq, bəyaz,
Nifrət sarı rəngdədir.
Könlümdəki saf duyğular,
Sularla ahəngədir.

Vurğunuyam bu aləmin,
Neçə cür hiss yaradır.
Azalmayan dərdi-qəmin,
Rəngi zülmət qaradır.

Qırmızı rəng sevgi gücü,
İnsanlığın rəmzidir.
Mavi rəng dünya sevinci,
Könlümün dənizidir.

Uca Tanrıya sevgimin,
Rəngi tünd yaşılıdır.
Sevinc incə, saf hissini,
Ürəyində yaşadır.