Könlümün Şiiri - Sevinc Arzulu

Hərdən leysan olur gözümün yaşı,
Azalmır bəs nədən qəmi könlümün.
Dərdlə rastlaşıram hər addımbaşı,
Sevincdir,fərəhdir kəmi könlümün.

Kim deyir sevənin qəlbi daş olar,
Sevgisi könlündə almaz qaş olar.
Ulduz tək parıldar,daim yaş olar,
Qurumaz gözünün nəmi könlümün

Bülbül öz sözünü sübh çağı deyər,
Dolaşar al güllü bir bağı,deyər.
Çalınsa qəm simi min ağı deyər,
Həm zili,həm də ki bəmi könlümün.