Könlüm arzular Şiiri - Sevinc Arzulu

Qopub düşür ağaclardan yarpaqlar.
Xışım-xışım xışıldayır eləcə.
Sözlə dolu al-qızılı varaqlar,
Işım-işım işıldayır eləcə.

Alovuna yığışarıq biz sözün,
Tüstüsünü külək alıb aparar.
Bir özünsən, bir ocağın, bir közün,
Varlığın da qəlbdə tufan qoparar.

Bəyənməzlər qarlı qışın gəlməyin,
Hamı nədən güllü yazı arzular.
Göz önündə qəlbən deyib-gülməyin,
Əvvəlki tək işvə-nazı arzular.
18.04.2019