Kölge tek Şiiri - Sevinc Arzulu

Buludlar rast gələ şıltaq küləyə,
Yenə də başıma yarpaq ələyə.
Mən nə eyləmişdim zalım fələyə,
Ən gözəl günləri seçdi ömrümdən.

Ayrlıq vüsalı aman, daladı,
Fərəhi, sevinci yaman taladı.
Sənsizlik qəlbimi oda qaladı,
Ağrı da, əzab da heçdi ömrümdə.

Zirvəyə dost idin, buluda yardın,
Səmadan ələnən ağappaq qardın,
Nə yaxşı, əzizim, bir zaman vardın,
Nə yaxşı kölgə tək keçdin ömrümdən.