Kölge Şiiri - Sevinc Arzulu

Mənim işıq həyatımdan qaranlıq bir kölgə kimi keçib getdin.
Qapqaranı bu dünyada istəyərək, bilə-bilə seçib getdin.
Kölgə adın nur ömrümə damla ziya salmadı heç,
Mənim parlaq yaddaşımda acı riya qalmadı heç.
Elə keçdin, elə getdin izinsə də düşmədi,
Amma ötən o bircə il ağrısız ötüşmədi.
Sənlə bağlı ağrım-acım yaman tez yaddan çıxdı,
Tüstülənən könül evim əbədi oddan çıxdı.
Həm adımdan, həm yadımdan silindin sən,
Riyakardın, yalançıydın.Bilindin sən.
Indi durub keçmişimə acı-acı baxıram mən,
Eşqin mavi dənizinə təmiz su tək axıram mən.
Daha mənim ürəyimdə ,inan, sənə yer də yoxdur,
Rastalaşarsaq günün biri mənim qısa salamım da
sənin üçün ,vallah, çoxdur.