Ömür yolu Şiiri - Sevinc Arzulu

Bilirəm, o səninçün,
Kişilik simvoluydu.
Gözləri, ürəyi də,
Sevgi ilə doluydu.

Nə deyim ki fələyə,
Tezcə saldı tələyə.
Ruhu dönüb mələyə,
Təbəssümdən boluydu.

Durardı sübh azannan,
Işi yoxdu pozannan..
İlahiyə uzanan,
Onun qoşa qoluydu.

Yaxşılarla yarışaq,
Qaynaşıban qarışaq.
Olanlarla barışaq,
Bu yol ömür yoluydu.

Bənzər görcək karıxan,
Yarı sultan, yarı xan.
Sənin üçün darıxan,
Bədəninin soluydu.
03.04.2023.