Kimse bilmir Şiiri - Sevinc Arzulu

Günəşin işığı bozarda bilməz,
Həyatın gedişi sozalda bilməz,
Nə yağış, nə külək azalda bilməz,
Titrəyən əlimin hərarətini.

Şerimin rəsmini gecə çəkirəm,
Almıram yuxunu vecə, çəkirəm.
Bir kimsə bilməyir necə çəkirəm,
Bitməyən zülümün həqarətini.

Sevənlər güllərdən çələng toxuyar,
Qızılgül həmişə ətir qoxuyar.
Qayıt gəl, əzizim birgə oxuyaq,
Ayrılıq ilimin nəqarətini.