Kewa Welatê Min Şiiri - Mehmet Çobanoğlu

Tu her demsal pir bedewî
Gewoka min e bask tenik
Bêhna çehter li çiyan tê
Roj çû ava, war bû hênik

Kewoka bi têlî, xelî
Ronahiya welatê min
ji zinaran de digerî
Kewoka min were ba min

Kewoka gerdan lê sipî
Tu evîna dil î kewok
Rengê te jî wek qehwe yî
Ez heyranê te me kewok

Kewoka li kend û çeman
Hêlîna te li berwar e
Xwe xeteran biparêze
Berbanga sibê de were

Kewa li çiyan û deştan
Te devî de hêlîn vekir
Bilbil degê te hesûd e
Te dengê xwe ve min şa kir

Mehmet Çobanoglu
21.02.2024
Stanbol