Kesreté Şiiri - Mutlu Esfer Fırat

zeré mı dé zuhur kena to
né koyi,
na kesreté,
vayé şodıri
tı peyde nena.

biyo intizar
pepugo kılama mı nena vatené
feke mı nebeno ya
her şewé niya be to
gıraniya né welati kuna mı ser
çend gami,
çend arşıni werte madé...

werte made bebextiye
mé pepug mıré wano...

ez bıbi gunekar
pergale emré mı ne beno ya
na şewé ki niya teynaro
ez tari dé
alem zeré mı de beno vind...
tı nena...

na şewe ki be to derbaz biye
ewro ki ne kewto ra
fıkré mıra merdené
çımane mıra roşti şiye
zerxé tije ne da mıra
a ki biye inkar ze to
şiye axx şiyéé...

roce rındi mı kuli kerdé vindi
tı şiya mıré qaytkerdené kewté
féké mı né cera
basaraxe mı diya gıré
zeré mı hini deja ké
kardi bıdené pıra
hondé jan nedené

zano ké ez
na şiyayena to şiyeyené niya
gam bé gam tı ké kewtené düri
hard lerzené
sera şeşt u şeş-i biyené newe
tı şona ez
xoxo dé beno vind
para mı qar u kesr kuno...

qerayişé mı zé adıri kuno né welati
ez xoxo dé veşeno
né bahré umandé teyna xeneqino...
ne jü kılamé tora qal kena
neki jü wesayite raya tora ena
para to şiyayené kewté mıré hesire çıma...

oxro ké çıla çımme mı şona.....

mutlu esfer fırat
(08.09.09)