Kendine qayıt Şiiri - Sevinc Arzulu

Dərələr görünər,çən yox olarsa,
Dünya qara geyməz mən yox olarsam.
Yazıqsan,dağılıb sən yox olarsan,
Araz tək daşma gəl,bəndinə qayıt,
Qayıt özünə gəl,kəndinə qayıt.

Minmə ayrılığın kəhərini sən,
Içində çalış boğ qəhərini sən.
Tökməyə çalışma zəhərini sən,
Qayıt şəkərinə,qəndinə qayıt.
Qayıt özünə gəl,kəndinə qayıt.

Sən əyri yolu da hamar etmisən,
Röyada murada,kama yetmisən.
Neçəsin özünə aşiq etmisən,
Əvvəlki kiçikcə bəndinə qayıt,
Qayıt özünə gəl,kəndinə qayıt.