Kendimizdir Şiiri - Sevinc Arzulu

Düşüb fələyin oynuna,
Təkliyi alıb boynuna.
Qısılıb dağın qoynuna,
O kənd bizim kəndimizdir.

Mələməz qoyun-quzusu,
Çoxdan kəsilib ruzusu.
Qəlbində qalıb arzusu,,
O kənd bizim kəndimizdir.

Nə yolu bir yol deyil ki,
Gənclər avarə, veyil ki.
Torpağa salmaz meyil ki,
O kənd bizim kəndimizdir.

Bir zamanlar naxrı varmış,
Xoş günlərin axrı varmış.
Eh, çoxunun paxrı varmış,
O kənd bizim kəndimizdir.

Nə suyu var, nə də qazı,
Bir ildir getmirəm azı.
Kimsə deyil ondan razı,
O kənd bizim kəndimizdir.