Kemi gelibdir Şiiri - Sevinc Arzulu

Həsrət edib məni həyatdan küskün,
Solubdur al rəngim,olmuşam üzgün.
Uzaq bir adaya edildim sürgün,
Məni aparmağa gəmi gəlibdir.

Yetişib ömrümün boranlı qışı,
Azalmır küləyi,qarı,yağışı .
Axır öz-özünə axır göz yaşım,
Deyən gözlərimin nəmi gəlibdir.

Qalmışam odunda hey yana-yana,
Ürək sevgisini çətin ki dana
Mən sənin yolunda düşsəm zindana,
Deyərlər Sevincin kəmi gəlibdir.