Kefen toxu Şiiri - Sevinc Arzulu

Verilib ölüm fərmanım,
Tala-taladır ormanım.
Kömək etmir heç dərmanım,
Qaçıb gözlərimdən yuxum.

Çətin sınam.Daş hənəyəm,
Yeganəyəm, bir dənəyəm.
Kasıb şairəm, nənəyəm,
Şeirlərim varım-yoxum.

Düşmədim ki duzaqlara,
Sinə gərdim sazaqlara.
Bax, şütüyür uzaqlara,
Kamanımdan çıxb oxum.

Könül səndən razı qalıb,
Işığının azı qalıb.
Bir misralıq yazı qalıb,
Artıq gedib ömrün çoxu.

Batım xəyal dənizində,
Mən olaram kənizin də.
Üşüyürəm.Ağ bezindən,
Fələk, mənə kəfən toxu.