Kederimi sepmişem Şiiri - Sevinc Arzulu

Ruhum qonar budağa,
Dönər yaşıl yarpağa.
Bilirsənmi,torpağa
Nə dərdimi təpmişəm,

Zalım, nifrət göyərər.
Haqq-ədalət göyərə.
Yəqin həsrət göyərər,
Kədərimi səpmişəm.

Hisran yaman axsayır,
Vüsal onu yox sayır.
Taleyimi oxşayıb,
Qədərimi öpmüşəm.

Sevda deyil oyuncaq,
Oynadasan doyunca.
Qumlu səhra boyunca,
Ağ nərimi çapmışam.

Vüsaldır sərxoş gələn,
Hər addımı xoş gələn.
Təkcə mənə tuş gələn,
Bədəlimi tapmışam.