Keçmişine qayıtma Şiiri - Sevinc Arzulu

Ah, qətlimə buyurduğun fərman nə,
Sağlığımçun göndərdiyin dərman nə.
Nə bilirsən dəvə nədir, karvan nə.
Heç qoşulma köç işinə, qayıtma.

Şənlən, sevin düyünündə, əzizim.
Şad günlərə öyünün də, əzizim.
Sən elə qal bu günündə, əzizim.
Qəm qoxuyan keçmişinə qayıtma.

Itməyibdir cığırında izim ki,
Dəyməyibdir yüz kəs yerə dizim ki...
Bilirsənmi, daha tutmaz bizimki,
And verirəm köçmüşünə, qayıtma.