Keça Rewal Şiiri - Mehmet Çobanoğlu

Keçê tu bo min hingivî
Heyverona hemû şevan
Ji bo dewar û pezên te
Ezê bibim şivan, gavan

Çûka ser çiqilê gulan
Bedewê tu canê minî
Jiyan bê te bêwate ye
Tu germa nav roja minî

Lê qemerê nûra tavê
Bejn bilindê newq ziravê
Ez bengînim û pir dînîm
Te daxwazim li vê gavê

Lêv şêrînê,min nereve
Ramûsanekî bide min
Serhildana dilê mine
Were destê xwe bide min

Keça rewal min nereve
Ronahîya roja minî
Her tim dikevî xwena min
Ez tîme tu kanîya minî

30.10.2015
İstanbul