Keça Delal Şîr Didoşe

Keça delal beritan’e
Dil, kezebê her xortane
Li zozana de dimeşe
Ber newalan û bestane

Keça delal bisk berdane
Morî, mrcan li zendane
Berîvane şîr didoşe
Gul, kulpikan lê vedane

Keça hêja dilşahî ye
Kelekela havînê ye
Her awir û nêrinê wî
Mina rojan ronahî ye

Keça delal zehf qeşenge
Bi her dem pir şox û şenge
Him kubare, him fitose
Wek keskesorê heft renge

Keça delal dile, cane
Xwe ronake her tişt zane
Tim bê heval bê emsale
Xiyalê hemû xortane

Mehmet Çobanoglu
23.11.2017
Stenbol