Kardaş Şiiri - Sevinc Arzulu

Vüsalın beli bükülür,
Qara daşdan ev tikilir.
Ürəyimdən qəm tökülür,
Sözlərimdən çiskin, qardaş.

Boylanıb yola baxırsan,
Gah sağa-sola baxırsan.
Gözlərin dola baxırsan,
Olma fağır, miskin, qardaş.

Aydınlaşar zülmət gecə,
Xatirələr gəlməz vecə.
Heç bilmirəm nəcür, necə
Verək sənə təskin, qardaş.

Oda qalanıb gəzirsən,
Varı talanıb gəzirsən.
Tənha dolanıb gəzirsən,
Fələk etdi küskün, qardaş.

Bir ulduzun axşı olar,
Qaranlıqda naxşı olar.
Çətin hər vaxt yaxşı olar,
Bu da belə pis gün, qardaş.
05.12.2018