Melamet mülküne malik olub ta kim 'alem çekdüm
Selamet defteri erkamına evvel kalem çekdüm
Görüb sagarda 'aks-i ruy-u yarı reşkden öldüm
İçince kanını anun nice derd-ü- elem çekdüm
Eşigi itlerinle hem sifal oldum bihamdillah
Bu zevki bulmadum şehlerle gerçi Cam-ı Cem çekdüm
Muhit-i 'aşkda ben ol neheng-i ejdeha-kamem
Yedi deryayi lerzan eyledüm her geh ki dem çekdüm
Hayali guşe-i meybaneden bir doğru yol buldum
Götürdüm ayagı 'işret diyarına kadem çekdüm
Kayıt Tarihi : 9.8.2018 16:39:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!