Kaldı Şiiri - Dr İlhame Müslümova

Üzümə yalandan gülüş bağladım,
Düşündüm, yaralar dərində qaldı….
Dedim zaman ötər, keçər hamısı …
Keçmədi…yenə də yerində qaldı…

Beynimdə get-gəlim bir an bitmədi,
Dözümüm az gəldi, mənə yetmədi,
Ürəyim ağlıma kömək etmədi,
Ağlım ürəyimlə sərində qaldı…

Bəxtim səadətlə getmədi yola,
Bircə zərbəni də qoymadı dala…
Bu eşqin əlindən öldüm az qala…
Qəlbim vəfasızın birində qaldı….