Jîyana Dîl Bêwateye Şiiri - Mehmet Çoban ...

Ez qurbana wê bejna te tu egîdê gelêmeyî
Rabe were me derenge gul, bijkojê baxêmeyî
Berbanga hemû sibayî, ronahîya rojameyî
Tu hîva nav her şevayî, heyverona xwe bide me

Hêzên neyaran agire, diqelîne tim kozire
Caran gure caran wawîk goştê canê me dikoje
Zû rabe were lez û bez, hêstirê me zehf dibare
Malên gelan ber gulane, bax û baxçên me wêranin

Neyar hatin me tofane jiyana dîl bêwateye
Warê me de fîxan wîzar dilê me de axa me ye
Serbestî jî tim pîroze war, welat jî azadîye
Dijrabûna me Kurdane diyarîye, welatîye

Em ne bizdok ne tirsekin em azadîyê daxwazin
Serxwebûn bo me giringe hemû lawên me lehengin
Em ne behit ne metelin em tim jîrin tim dozvanin
Diyarê me Kurdistan’e nav de pakrawanin menin

Derdo dîsa me nalîne artêşa Tirk’an pir hove
Bi tank û topan tev hatin ser me de agir dibare
Berxwedan tim rûmetîye, doza me jî azadîye
Can û malên me jî here, em nadin Kurdistan’a me

04. 01.2013
Stenbol