Ji Jiyanê Sar Bûme Şiiri - Zandar Amari

Ez pela payîzê me
Ji bê halî zerbûme
Ji ber êşên evîne
Wekî mecnun dînbûme

Li tenyayê tenê me
Girtîyê evînê me
Tarîya şevînê me
Ji ber derdan dînbûme

Hêlîna xemgînî me
Hinavên bi xwînî me
Ez axa bê şînî me
Ji avê ez dûr bûme

Bi laş westiyayî me
Bi hiş westiyayî me
Bi dil westiyayî me
Ji jiyanê sar bûme

Hêstiran di dirijînim
Serxweşê can hejînim
Bê xweşî'yû bê jînim
Ji jiyanê sar bûme