İzleyirm men Şiiri - Sevinc Arzulu

Aradan neçə il ötüb keçsə də,
Hələ də yolunu gözləyirəm mən.
Ruhun ən ətirli gülə köçsə də,
Bənövşə kolunu özləyirəm mən.

Neyniyim, taleyin sərt üzü belə,
Gecəsi qaranlıq, gündüzü belə.
Muğan, Şirvan elə, Mil düzü belə
Hey qarı, dolunu izləyirəm mən.

Gah külək qıy vura, gah tufan qopa,
Könlümə yağışın ətiri hopa.
Fərəh ayrı gəzir, dərdi-qəm topa,
Sağımı, solumu düzləyirəm mən.