İşleyer Şiiri - Sevinc Arzulu

İgidsənsə od-atəşə gər sinə,
Bi ağrıya tab etməz ki hər sinə.
Istədiyin edər hər vaxt tərsinə,
Tale sənin əleyhinə işləyər.

Görüşərik yenə çətin,nagüman
Tək mən oldum fələkdən insaf uman.
Istəməz ki üzün örtsün sis,duman
Günəş çənin əleyhinə işləyər.

Gərək acı taleyimlə barışım,
Axı necə cavanlara qarışım.
Günü-gündən artır üzdə qırışım,
Zaman mənim əleyhimə işləyər.